اساسيات احتراف الرسم ...

السلااام عليــكمـــ ...




حبيت اشاركم اليوم بالاساسيات الي انا استخدمها .. طبعا من رسام لرسم ومن ستايل في الرسم لستايل في الرسم تختلف الاساسيات ... يعني الواحد يقعد يخبص بروحه لحد ما يلاقي له طريقه رسم تخصه وتريحه ..

الاساسيات ...

1- اذا كنتوا تبغون صدق تحترفون الرسم ما ينفع ترسمون بالماوس mouse راح يلزمكم tablet الرسم
انا استخدم Wacom bambo هاي هي :



اي ماركه ثانيه مب مشكله بس انا انصحكم بواكم لانها صراحه فيها مميزات... < شاريه فوق ال 4 تابلاتات لوووووووول

ثااانيا ... يبغيلكم معرفه بالفوتوشوب ... بس مش ان احتراف فيه !!! مب شرط اهم شي تعرفون الادوات واستخدامها ...

الحين يلا نبدا ...

اول شي بتحتاجون برشات خاصه للرسم ...
هاي البرش الي انا استخدمه :



Download


انا دايما ابدا كل رسوماتي في ملف جديد بقياس 1000 في 1000 بكسل ...
نصيحه مني لا تحاولون ترسمون من مخكم لووووول لان ما راح يطلع معاكم شي وتتحبطون ع طول
انا دايما احب اخذ السكيتش من الصوره نفسها يكون مضبوط بعدين ابدا بالسكيتش الي عندي وارسم بروحي ...

الحين ... البرش الي انا استخدمه له مميزات كثيره اولها انه ما يحتاج استخدم غيره كلش لانه ينفع لكل شي ... عندنا حجم البرش وتحت عندنا الـ hardness ... الهاردنيس هو حدود البرش
شوفوا الفرق في احدود البرش بين الاول والثاني :



كل ما تنقصون الهاردنيس البرش تبين انعم واخف ... انا احب ارسم بهاردنيس خفيف يكون ما تبين حدود البرش بزياده على الرسمه ... لكن في اوقات اذا تبغيون الرسمه تبين كانها مرسومه الوان زيتيه خففوا شووووي بس يكون حدود البرش تبين مثل ضربات الفرشاه المنحنيه الي يستخدمونها في الزيتي ..

اوك ... اول شي الظل والاناره .. هم الي يحددون كل شي في الرسمه ... اماكن الظل غامقه واماكن الظل فاتحه ... والي بين الظل والاناره تدرج من الابيض للاسود اذا كنتوا ترسمون بابيض واسود ..
هذا مثال عليه :



بنبدا برسمه بسيطه ! يكون الكل يقدر يطبق ...

اممم بالنسبه لي انا مشكلتي ما اقدر اتعلم ارسم وجه كامل مره وحده !! فكنت ارسم جزء جزء لحد ما عرفت كل جزء كيف ينرسم ... خلونا اول شي كل واحد يروح يجيب له صوره عاجبته ...
وياخذ له سكيتج ..

نبدا بـ layer جديد فوق الصوره نفسها ...



ونحدد معالم الوجه عليه رسموا حدود العيون حدود الخشم وحدود الوجه بس الشعر لا تحددونه بزياده بس اطارفه يعني الي داخل وشكل الخصل والتموجات وهذا مش ضروري ...




الحين نبدا نرسم ... طبعا رسمتنا بتكون ابيض واسود لان الرسم بالالوان مصييبه !! انا لحد الحين مب ضابطته فما اقدر اني اعلمه حد لووول ...

الحين يلا خلوا الصوره الي تبغون ترسمونها جنب رسمتكم يكون تساعدكم في تحديد الاناره والظل وعشان تكون اسهل عليكم انصحكم تخلون صورتكم الي بترسمون منها ابيض واسود .. روحوا
image > adjustment > desaturate وبتصير ع طول ابيض واسود الصوره ... هاي بيسهل عليكم اكثر

خلونا نبدا رسم بس قرقره لووووووووووول ...
الحين افتحوا ملف جديد 1000 في 1000 pixels ... ونقلوا السكيتش الي رسمتوه لها ...
والحين سووا طبقه "layer" جديد تحت السكيتش وهو الطبقه الي بنرسم فيها ..
اول شي تسوونه انكم تملون مكان الجلد في الصوره بالرمادي ... كل ما كانت البشره فاتحه فتحوا اللون لان بنرسم مع بعض بطريقه الطبقات ! يعني ؟؟ بنبدا باساس غامق وبعدين نفتح يكون توضح معالم الصوره ...



ابدوا دايييما !! بالظل اول ... !!!!! اخف درجه من الظل .... شوفوا كيف :



بعدين نغمق شوي لون البرش ونرجع مره ثانيه على نفس حدود الظل بس لا تخلون حجم البرش هو نفسه كبروه شوي ولا صغروه ما يفرق بس عشان يبين في فرق بين اللونين :



الحين نبدا بالضوء ... من اللون الرمادي الي اخترتوه اختاروا لون افتح بشوووي و هالمره كبروا حجم البرش .. لان الخدود اذا بتستخدمون معاها برش صغير وبترسمون بيبين شكلها غلط لووول كبروها تقريبا لـ 160..
كبروها تقريبا لـ 160..



مره ثانيه مثل ما سوينا مع الظل نرجع نسوي مع الاناره ... فتحوا شوي لون البرش وردوا علي الآماكن الافتح شوي ... الي تحسون انارتها اقوى ..



اوك كل شي ماشي حلو الحين معاكم ؟ لوول .. يلا الحين خطوه صغيره يكون نبين المعالم اكثر ..
اختاروا الطبقه layer الي رسمتوا عليه السكيتش ... روحوا من فوق Filter < blur < blur more
سوواا هالحركه 3 مرات تقريبا لحد ما تحسون ان الحدود ذابت شوي في الصوره :



نصيحه اخويه .. دايما ابدوا برسم العين ... يلا اشووف ... كبروا ع العين وامشوا معاي ..
املوا العين بالابيض والاسود ... بعدين غمقوا شوووي بس ورجعوا مره ثانيه ع سواد العين بعدين غمقوا شوي زياده وعيدوا الحركه نفسها ... اخر شي حطوا خط خفيييف من اول العين لخرها بالشكل الي في الصوره هاي يكون يبين انه ظل الجفن الي فوق .. :



الحين خلصنا العيون ... نروح للخشم والفم .. احنا ما راح نرسم بشكل ان نبيين كل شي ...
نحط ظل تحت الخشم "الانف" لوول وعلى خط الفم .... وعلى الشفايف نختار لون افتح ونرسم عليها ... الوائر البيضا هاي انا حاطتها لاقوى نقطه اناره في الرسمه .. فحطوا لون ابيض لهاي الاماكن وبعدين مسحوا الدوائر اذا كنتوا حاطينها من السكيتج ... شوفوا بهاي الطريقه :



الشعر والحواجب ... نلونهم بلون اسووود



الحين فتحوا اللون شوي خلوه رمادي بس مش رمادي فاتح بزياده ...
وحطوا خطوط وين تشوفون تعرجات في الشعر ولا تموجات ...



الحين تعرفون ال smudge tool ؟؟ الي على شكل اصبع .... من فوق غيروا ال opacity ل 70
وحركوا هالخطوط يكون تسوون تموجات فيهم ... بهالشكل :



وبعد ما تعرجونهم :



رجعوا سووا نفس الحركه مره ثانيه بلون ابيض خفييف فوق التموج مره ثانيه



والنتيجه :



طبعا الخلفيه تقدرون تخربطون لها اي شي لووول ...
اتمنى اني اكون فدتكم ولو بشي بسيط اسمحوا لي انا فاشله تمااامااا في الدروس ... بس لان كل الي تعلمته تعلمته في 6 او 8 سنين تقريبا من الرسم فمب عارفه كيف ابينه كله في درس واحد لوول على العموم ... انا مستعده اساعد الكل .. وموجوده 24 ساعه على المنتدي فاللي حاب اني اساعده في رسمته يبعثها لي رساله خاصه وبساعده فيها من حيث الاناره والظل وغيره ...

يلا اشوووف ابي تطبيقاتكم !!!!!!!!!!!!

باااااااااااااارك الله فيكي اخلاص




افدتيني كتيييييييييييييير